京都伏見

12th Apr 2021

京都伏見

距離京都車站往南十分鐘車程的伏見地區,除了有著名歷史建築伏見稻荷大社外,該區更是自古以來都擁有多個超優質地下水源,其中著名的甚至享有「伏見七名水」嘅稱號。有呢個天然寶庫,京都伏見從安土桃山時代就係日本酒的重要產區,當時於日本嘅造酒區唔多,屈指可數,所以京都伏見喺日本釀酒歷史中擔當重要角色,舉足輕重,曾有80間酒藏齊開嘅盛況,可以話係日本清酒嘅故鄉。

身為京都伏見其中一員嘅「京姬酒造」,堅持採用酒米中最好的品種山田錦為原材料,以 50% 精米步合,加以長年累月的經驗及技術釀造出來的「京姬 匠 大吟釀」,屢獲大獎,有平實的吟釀香和複雜性的味道,帶少少刺激的辛口感,餘韻則感覺舒適恰宜,是與料理相當配合的餐中酒。冷藏後品嚐好得,座暖後品嚐都得,兩者佳宜。